作词 : 外懂

作曲 : 百去杰

སེམས་བསམ་པའི་ཁ་ཆད།

約定

གཞས་ཚུགབེ་དུང་།

作词：外懂

གཞས་གདངས།འབེ་མཆོག་སྐྱབས།

作曲：百去杰

གཞས་པ།འབེ་མཆོག་སྐྱབས།

原唱：百去杰

གླུ་གཞས་ཁྱབ་སྤེལ། ཤེར་བསྟན་འཕྲིན་སྟེགས་ལས་སྒྲུབ་ཁང་།

音乐宣传：谢旦贴吧工作室

ས་རུ་སྐོར་རུ་ལམ་མི་གཅིག་རུང་།།

ལམ་གང་ནས་འཕྲད་འདུག་ཆ་མེད་རེད།།

སེམས་འདི་ལྟར་འདྲེས་པ་རྒྱུས་མེད་རེད།།

ལས་ཡོད་མེད་སུས་ཀྱང་བཤད་དཀའ་གི །།

གླེང་མི་ཁ་འཁོར་དང་མ་འཁོར་མེད།།

ཞེ་སྣང་བའི་དར་སྐུད་ཆོད་ལེ་མིན།།

གནས་སྐྱེ་ས་སྐྱེ་ཡུལ་མི་གཅིག་རུང་།།

ལས་ཁ་ཡིག་ཟེར་ན་ཆ་མེད་རེད།།

འདང་འདི་ལྟར་ཆགས་ནོ་མ་ཚོར་ཐལ།།

ལས་ཡོད་མེད་སུས་ཀྱང་ཤེས་དཀའ་གི།།

ལོ་ཆེ་ཆུང་ཤོར་དང་མ་ཤོར་མེད།།

སེམས་བསམ་པའི་ཁ་ཆད་འགྱུར་ལེ་མིན།།

སྡེ་སྟོད་སྨད་སྡེ་ལུང་མི་གཅིག་རུང་།།

ཚེ་བསྐལ་བའི་ལས་དབང་ཆ་མེད་རེད།།

ཞེ་འདི་ལྟར་མཐུན་པ་མ་ཤེས་ཐལ།།

ལས་ཡོད་མེད་སུས་ཀྱང་རྟོགས་དཀའ་གི། །

ས་ཁ་ཐག་རིང་དང་མ་རིང་མེད།།

ཁྲེལ་ཕྱི་ཐག་བར་ནས་བསྒུག་ལེ་ཡིན།།