作词 : 嘎代才让

作曲 : 桑塞穆

男：

དམར་པོ་མེ་ཡི་བྱིན་རླབས་ནས་བཙོས་ཏེ།

ངའི་ས་འཛིན་གྱི་སྒལ་ཚིགས་ནས་འཁྲུངས་སོང་།

女：

བྱམས་སེམས་ཀྱི་དད་འདུན་ཉར་ནས།

སྲིད་པའི་རྩེ་ན་མེ་ལྕེ་བཞིན་མཆེད།

男：

མཐིང་སྨུག་སྦྲ་ཆུང་། མཐིང་སྨུག་སྦྲ་ཆུང་།

合：

ངའི་མཐོང་ལམ་གྱི་བརྩེ་བའི་འོད་ཁྱིམ་དྲོན་མོ།

དབྱངས་གསལ་གྱིས་བསྐྱངས་པའི་རྡོ་རྗེ་ཕ་ལམ།

སུ་དང་གང་གི་སྐྱབས་སའི་ཡུལ།

ཨོ་་་་་་ཨོ་་་་་་ཨོ་་་་་་ཨོ།

男：

ངའི་མེས་པོ་ཡི་བློ་ཁོག ངའི་གླུ་སྐད་ཀྱི་ནང་སྙིང་།

合：

བཙན་པོ་ཡི་སྦྲ་ཁྱིམ།

女：

གཙང་མོ་ཆུ་ཡི་ཞུན་མ་ནས་བཙགས་ཏེ།

ངའི་དུས་བཞི་ཡི་ལྟེབས་གཉེར་ཁྲོད་རྒས་སོང་།

男：

ཆོལ་གསུམ་གྱི་སེམས་ཤུགས་རུམ་ནས།

སྲིད་པའི་རྩེ་ན་གཙང་ཆུ་བཞིན་དུ་རྒྱས།

合：

མཐིང་སྨུག་སྦྲ་ཆུང་། མཐིང་སྨུག་སྦྲ་ཆུང་།

ངའི་ཇག་ལམ་གྱི་གསང་བའི་རྨི་ལམ་ཞིམ་པོ།

མར་རྩམ་གྱིས་གསོས་པའི་དཔའ་བོའི་ང་རོ།

སུ་དང་གང་གི་རེ་སའི་གྲོགས།

ཨོ་་་་་་ཨོ་་་་་་ཨོ་་་་་་ཨོ།

男：

ངའི་མེས་པོ་ཡི་རིགས་ཞེན། ངའི་གླུ་སྐད་ཀྱི་ནང་སྙིང་།

合：

བཙན་པོ་ཡི་སྦྲ་ཁྱིམ།

ཨོ་་་་་་ཨོ་་་་་་ཨོ་་་་་་ཨོ།

男：

ངའི་མེས་པོ་ཡི་རིགས་ཞེན། ངའི་གླུ་སྐད་ཀྱི་ནང་སྙིང་།

合：

བཙན་པོ་ཡི་སྦྲ་ཁྱིམ།